Од сега би можел
И без нозе да живеам,
Да, и без нив –
Кај кого што сакав да стигнам,
Јас стигнав.
Од сега и без очи,
Да, и без нив,
Би можел да живеам –
Кого сакав да го видам,
Јас го видов.
Од сега и без раце
Би можел да живеам,
Да, и без нив –
Кого сакав да прегрнам,
Јас прегрнав.
Од сега и сам
Би можел да живеам, љубена,
Како дамка крв врз плочките,
Како ѕвезда во празнина што паѓа,
Како орел в гора –
Да, сам,
Од сега би можел да живеам.